اردو بلاگز ایگریگیٹر کا بلاگ

اردو بلاگنگ کمیونٹی کی تازہ ترین تحاریر

نامساعد حالات مستقل بندش

leave a comment »

السلام علیکم

میں معذرت چاہتا ہوں کہ اردو بلاگز پراجیکٹ مستقل طور پر بند ہو چکا ہے۔ اسکے اسباب سپانسرز کا عدم تعاون اور وقت کی کمی ہے۔ تاہم اردو کے لیے دوسرے کئی بلاگ ایگریگیٹر موجود ہیں، آپ انہیں باآسانی تلاش کر سکتے ہیں، بذریعہ گوگل۔

شکریہ

 

Advertisements

Written by اردو بلاگز

دسمبر 31, 2013 at 10:06 صبح

اردو بلاگز ڈاٹ کام پر گرویٹر نہ ظاہر ہونے کی وجوہات

with 15 comments

السلام علیکم

کافی عرصے بعد اردو بلاگز ڈاٹ کام کے پلیٹ فارم سے پھر آپ سے مخاطب ہوں، یہ سائٹ کئی بار تعطل کا شکار ہونے کے بعد اب پھر چل رہی ہے۔ لیکن مزے کی بات یہ ہے کہ جب بھی میں اس پر اچھی طرح محنت کرتا ہوں کوئی ن کوئی آفت آ کر اسے بند کر دیتی ہے۔ خیر اب کی بار پوسٹ کرنے کی وجہ یہ ہے کہ اردو بلاگز ڈاٹ کام پر بیشتر احباب کے گرویٹر ظاہر نہیں ہو رہے جس کی وجہ یہ ہے کہ اردو بلاگز ڈاٹ کام کے سیٹ اپ میں ان احباب کے ای میل ایڈریس موجود نہیں جس کی بنیاد پر گریوٹر ظاہر ہوتا ہے ۔ چنانچہ سبھی ممبران سے درخواست ہےکہ اپنے متعلقہ ای میل ایڈریس کے ساتھ اس پوسٹ پر تبصرہ کر دیں اور ساتھ میں اپنے بلاگ کا نام بھی لکھ دیں تا کہ آپ کا ای میل اردو بلاگز ڈاٹ کام کے سیٹ میں محفوظ کردیا جائے جس کی بنیاد پر آپکا گرویٹر پوسٹس کے ساتھ ساتھ ظاہر ہونے لگے گا، بہت بہت شکریہ

Written by اردو بلاگز

اپریل 9, 2012 at 10:10 صبح

بلاگنگ میں پوسٹ کردہ

اردو بلاگز ڈاٹ کام کی مشکلات

with 5 comments

السلام علیکم

اردو بلاگزڈاٹ کام فروری ۲۰۱۱ کی آخری ہفتے سے بند پڑِی ہے۔ اس کی وجہ یہ ہے کہ جس سرور پر اردو بلاگز ڈاٹ کام کی سائٹ موجود تھی اس کی ہارڈ ڈسک کریش ہونے سے اردو بلاگز کا تمام ڈیٹا بیس اور سائٹ کا ڈیٹا اڑچکا ہے۔ سونے پر سہاگہ یہ کہ اس ڈیٹا کا بیک اپ بھی موجود نہ تھا۔ ہم تمام صارفین اور دوستوں سے معذرت خواہ ہیں۔ اردو بلاگز کے ساتھ ساتھ ورڈ پریس ڈاٹ پی کے بھی ختم ہو چکی ہے جس کی وجہ سے بیشتر اردو بلاگران کا ڈیٹا ضائع ہو چکا ہے۔ اردو ویب سائٹس کے لیے سپانسرز کی کمی اور مالی فوائد کے نہ ہونے کی وجہ سے انہیں چلانا ایک آسان بات نہیں۔ چونکہ میں اردو بلاگز کو اکیلا ہی مینج کر رہا تھا اور بار بار ڈیٹا ضائع ہونے اور وقت کی کمی کی وجہ سے میں اس پراجیکٹ کو مزید چلا نہیں پائوں گا۔ فی الوقت اردو بلاگز کی طرح کا ایک اور پراجیکٹ اردو لاگ کام کر رہا ہے ہے آپ وہاں اپنے بلاگز جمع کروا سکتے ہیں اور ماورائی فیڈ پر دیگر اردو بلاگ پڑھ بھی سکتے ہیں۔

آپکا بہت شکریہ
یاسر عمران مرزا

Written by اردو بلاگز

مئی 21, 2011 at 5:49 شام

ڈپلیکیٹ پوسٹ فلٹر کا تماشا

leave a comment »

السلام علیکم

کچھ دن پہلے اردو بلاگز پر ڈپلیکیٹ پوسٹ فلٹر نامی ایک پلگ ان شامل کیا۔ جس کا کام دو یا تین بار ایک ہی پوسٹ کی سینڈی کیشن کو روکنا تھا اور اسے فقط ایک مرتبہ تک لانا تھا۔ تاہم اس پلگ ان نے عجیب و غریب تماشا کیا کہ سینڈی کیشن کو بہت محدود کر دیا۔ کئی بلاگرز نے شکایت کی کہ ان کی پوسٹس سینڈی کیٹ نہیں ہو رہیں۔ میں خود اس امر کو یہی سمجھتا رہا کہ شاید بلاگران آج کل کم کم لکھ رہے ہیں۔ لیکن کل چیک کرنے پر پتہ چلا کہ سینڈی کیشن دراصل ایکٹو تو ہے مگر یہ کام نہیں کر رہی۔ چنانچہ ایگریگیٹر پر کئی گھنٹے سر کھپانا پڑا۔ کئی بار لنکس کو ختم کر کے دوبارہ سے شامل کیا اور ری فریش کیا مگر کوئی فرق نہیں پڑا۔ آخر کار ایگریگیٹر کو ری انسٹال کرنے کا خیال آیا، اگر چہ یہ بذات خود کئی دنوں کا کام ہے۔ تاہم اس کے علاوہ کوئی چارہ نظر نہ آیا۔ آخر ورڈ پریس کے پلگ ان والے کھاتے میں جا کر دیکھا تو ڈپلیکیٹ پوسٹ فلٹر پر نظر پڑی، یکا یک خیال آیا کہ شاید یہ کوئی مسلہ کر رہا ہے۔ اس کو ڈس ایبل کیا اورسینڈی کیشن چیک کی تو فورا ہی نئی پوسٹس نظر آنے لگ گئیں۔

چلیے آئندہ کے لیے ایک ٹربل شوٹنگ ٹپ مل گئی۔ امید ہے اب تمام بلاگز کی تحاریر اپ ڈیٹ ہو رہی ہوں گی۔ جن بلاگران نے اپنے بلاگ کہیں اور منتقل کر لیے ہیں وہ دوبارہ سے درخواست بھیج دیں تو ان کو دوبارہ شامل کرنا آسان ہو گا ۔ بہت شکریہ

اردو بلاگز ایگریگیٹر کا پہلا گوگل پیج رینک

with 5 comments

السلام علیکم
ہمیں یہ بتاتے ہوے خوشی محسوس ہو رہی ہے کہ اردو بلاگز ایگریگیٹر کی ڈومین
www.urdublogz.com
کو گوگل کی طرف سے پہلی بار پیج رینک عطا کیا گیا ہے اور یہ پیج رینک تین ہے۔ جو کہ بہت اچھا نہ سہی لیکن اچھا ضرور کہا جا سکتا ہے۔ ہم نے اردو بلاگز کی ڈومین کو رینک دلوانے کے لیے اسکے لنک کافی جگہ شامل کیے مگر پیج رینک ملتے ملتے بہت زیادہ وقت لگ گیا۔ ہم تو نا امید ہی ہو چکے تھے اپنی کوششوں سے کہ شاید پیج رینک نہیں ملے گا لیکن آخر کار کوششیں رنگ لے ہی آئیں۔

تمام ممبر اردو بلاگران سے گزارش ہے کہ وہ اپنے بلاگ رول میں اردو بلاگز کے لنک کی شمولیت یقینی بنائیں اور اپنے دوستوں کو بھی اردو بلاگز کے متعلق مطلع کریں۔ بہت بہت شکریہ۔

چند تکنیکی خرابیاں اور انکا حل

with 2 comments

السلام علیکم۔
اردو بلاگز کے بلاگ پر کافی عرصہ بعد ایک نئی تحریر لکھ رہا ہوں۔ جسکا مقصد آپکو یہ بتانا ہے کہ پچھلے دنوں اردو بلاگز میں موجود سافٹ وئر کو نئے ورژن پر اپ گریڈ کیا تو ایگریگیٹر نے مجموعی طور پر کام کرنا بند کر دیا۔ کچھ دن تو میں اس انتظار میں رہا کہ شاید نیا ورژن خود ہی ٹھیک ہو جائے مگر ایسا نہیں ہوا جس کی بنا پر مجھے پرانا ورژن پھر سے انسٹال کرنا پڑا۔ اب دیکھنا یہ ہے کہ پرانا ورژن پھر پہلے کی طرح درست طریقے سے کام کرتا ہے کہ نہیں۔ اپنی فیڈ بیک سے ضرور آگاہ کریں اور ایک دفعہ پھر سے درخواست ہے کہ اردو بلاگز کی انتظامیہ کے لیے کوئی صاحب رضا کارانہ طور پر اپنی خدمات پیش کرنا چاہیں تو مجھے بہت خوشی ہو گی۔ ایسے صاحب کے پاس روزانہ انٹرنیٹ پر صرف کرنے کے لیے کچھ اضافی وقت ہونا چاہیے اور ورڈ پریس استعمال میں مہارت ہونی چاہیے۔
بہت شکریہ

Written by اردو بلاگز

نومبر 17, 2010 at 2:38 شام

کیا سیاسی بلاگز کو ایگریگیٹر میں شامل ہونا چاہیے؟

with 10 comments

پہلے تو پول بنانے کا ارادہ تھا پھر سوچا کہ بلاگران کا نقطہ نظر بھی معلوم کرنا چاہیے۔ سیاسی بلاگنگ میں عام طور پر کیچڑ اچھالنا اور الزامات لگانا بنیادی نقطہ ہوتا ہے۔ لیکن اگر اس تنقید کو اخلاقیات کے دائرے میں رہ کر کیا جائے تو وہ پڑھنے والے بلا تعامل پڑھ بھی لیں گے اور ان کے دماغ پر اس تنقید کا اثر بھی ہو گا۔ لیکن اس تنقید کو اگر بڑھکیلے اور جاہلوں کے سے انداز میں کیا جائے تو پڑھنے والا بھی ایسی تحریر سے متنفر ہو جاتا ہے۔

معیاری سیاسی بلاگنگ تب ہوتی ہے جب آپ اپنی سیاسی جماعت کے مثبت کام سامنے لائیں اور دیگر جماعتوں پر الزامات کی بوچھاڑ اور نفرت انگیز کلمات سے گریز کریں۔
ہم نے اردو بلاگز پر ایک سیاسی بلاگ کو شمولیت دے تو دی لیکن ان کی پوسٹس بار بار سبھی پڑھنے والوں کا منہ کڑوا کر رہی ہیں۔ اس سے پہلے کہ اس بلاگ کی شمولیت سے اردو بلاگستان ایک بار پھر میدان جنگ بنے کیا اس کی شمولیت برقرار رہنی چاہیے اور مستقبل میں کیا لائحہ عمل ہونا چاہیے۔